L'actividá cuntará cola participación de los neños de quintu y sestu cursu del tercer ciclu de primaria y entamará a les doce y media del mediudía.

Nel actu tamién participará l'ilustrador del llibru, Enrique Carballeira. Autor y ilustrador falarán colos neños del colexu, firmarán exemplares y presentarán esti nuevu volume de 32 páxines ilustráu a color.

Mio ma ye un dragón coloráu ye una historia onde nun falta la intriga -y sobre too muchos sacos d'humor- qu'enllenen les páxines y determinen les situaciones nes que participen los sos protagonistes.

¿Y si descubrieses un día que to madre ye un dragón coloráu?

El llibru asoléyase na Selmana de les Lletres Asturianes.

Espublízase col sofitu de la Conseyería de Cultura del Principáu d'Asturies.